ڈی آئی خان ، 9افراد کی 13سالہ لڑکے سے اجتماعی زیادتی

ڈی آئی خان ، 9افراد کی 13سالہ لڑکے سے اجتماعی زیادتی

ڈی آئی خان (نمائندہ شہباز ) تھانہ صدر کی حدودگائوں کوکار میں انسانیت سوزواقعہ میں درندہ صفت 9ملزمان نے 13سالہ کمسن بچے کو اجتماعی زیادتی کا نشانہ بنایا۔

 

اجتماعی زیادتی کے شکار 13سالہ متاثرہ کمسن بچے شعیب اختر کے والد محمد سلیم میانی سکنہ کوکار نے تھانہ صدر میں رپورٹ درج کراتے ہوئے بتایا کہ اس کا کمسن بیٹا اختر شعیب موٹر سائیکل ٹھیک کراکے گھر واپس آرہا تھا کہ ہمت اڈہ کے قریب موٹر سائیکل سوار ملزمان فیضان، انصر اور عدنان ولدیت و سکونت نامعلوم زبردستی میرے بیٹے کو اپنے ہمراہ یونائٹیڈ ٹائون میں واقع ایک مکان میں لے گئے جہاں ملزمان نے دیگر6نامعلوم ملزمان کے ہمراہ میرے بیٹے کو اجتماعی زیادتی کا نشانہ بنایا ۔

 

تھانہ صدر پولیس نے متاثرہ بچے کے والد کی رپورٹ پر تینوں نامزد ملزمان سمیت 9ملزمان کے خلاف 377-506ppc اور 53Cچائلڈ پروٹیکیشن ایکٹ کے تحت اس واقعہ کا مقدمہ درج کرکے تفتیش شروع کردی ہے۔