جنوبی افریقا کو شکست، آسٹریلیا کا ورلڈ ٹی ٹوئنٹی میں فاتحانہ آغاز

جنوبی افریقا کو شکست، آسٹریلیا کا ورلڈ ٹی ٹوئنٹی میں فاتحانہ آغاز

آئی سی سی ٹی ٹوئنٹی ورلڈ کپ کے سپر 12 مرحلے کے پہلے میچ میں آسٹریلیا نے جنوبی افریقا کو 5 وکٹوں سے شکست دے دی۔

 

ابوظبی کے شیخ زاید اسٹیڈیم میں کھیلے گئےگروپ 1 کے پہلے میچ میں آسٹریلیا نے ٹاس جیت کر پہلے فیلڈنگ کا فیصلہ کیا، جنوبی افریقا نے مقررہ اوورز میں 9 وکٹوں کے نقصان پر 118 رنز بنائے۔

 

جواب میں آسٹریلیا نے 119 رنز کا ہدف 5 وکٹوں کے نقصان پر 20 ویں اوورز میں دو گیندوں قبل حاصل کرلیا۔

 

اس سے قبل جنوبی افریقا نے پہلے بیٹنگ کرتے ہوئے مقررہ 20 اوورز میں 9 وکٹوں کے نقصان پر  118 رنز بنائے۔

 

آسٹریلیاکی جانب سے اسٹارک، زامپا اور ہیزل وُڈ نے دو، دو وکٹیں حاصل کیں۔

 

قبل ازیں ٹاس جیت کر آسٹریلیا کے کپتان ایرون فنچ نے کہا کہ ’وکٹ بہت اچھی لگ رہی ہے اور ہم اسے بدلتا ہوا نہیں دیکھ رہے۔

 

جنوبی افریقی کپتان ٹیمبا باووما نے اعتراف کیا کہ وہ گھبراہٹ محسوس کر رہے ہیں۔

پہلے مقابلے کے لیے دونوں ٹیمیں ان کھلاڑیوں پر مشتمل تھیں:

 

آسٹریلیا: ایرون فنچ (کپتان)، ڈیوڈ وارنر، مچل مارش، گلین میکس ویل، اسٹیو اسمتھ، مارکس اسٹوئنس، میتھیو ویڈ، پیٹ کمنز، مچل اسٹارک، ایڈم زامپا اور جوش ہیزل ووڈ

 

جنوبی افریقہ: ٹیمبا باووما (کپتان)، کوئنٹن ڈی کوک، ایڈن مرکرم، راسی وین ڈر ڈوسن، ڈیوڈ ملر، ہینرک کلاسین، ڈوائن پریٹوریس، کگیسو ربادا، کیشو مہاراج، آنرک نورجے اور تبریز شمسی