پاکستان نے پہلےٹی ٹوئنٹی میچ میں نیوزی لینڈ کو 88 رنز سے شکست دے دی۔

قذافی سٹیڈیم لاہورمیں کھیلے جارہے ٹوئنٹی سیریز کے پہلے میچ میں پاکستان کی ٹیم نیوزی لینڈ کے خلاف ٹاس جیت کر پہلے بیٹنگ کرتے ہوئے 19.5 اوورز میں 182 رنز بنا کر آؤٹ ہوگئی۔

پاکستانی کھلاڑی صائم ایوب اور فخر زمان 47، 47 رنز بنا کر نمایاں رہے۔فہیم اشرف 22، عماد وسیم 16، حارث رؤف 11، کپتان بابر اعظم 9، محمد رضوان 8، شاداب خان 5 اور شاہین شاہ آفریدی 1 رن بنا کر آؤٹ ہوئے۔

مہمان ٹیم نیوزی لینڈ کی جانب سے میٹ ہینری نے 3، ایڈم ملن نے اور بین لِسٹر نے 2،2 جبکہ جیمز نیشم اور اِیش سودھی نے 1، 1 کھلاڑی کو آؤٹ کیا۔

مطلوبہ ہدف کے تعاقب میں نیوزی لینڈ کی ٹیم 94 رنز بناکر آؤٹ ہوگئی، ماررک چیپمین 34، ٹام لیتھم 20 رنز بناکر نمایاں رہے۔

قومی ٹیم کے کھلاڑی حارث رؤف نے چار ، عماد وسیم نے دو کھلاڑیوں کو آؤٹ کیا شاہین آفریدی، زمان خان، فہیم اشرف اور شاداب خان نے ایک ایک وکٹ حاصل کی۔

قومی ٹیم کے کپتان بابراعظم نے ٹاس جیت کر کہا کہ زمان خان اور صائم ایوب پلیئنگ الیون کا حصہ ہے، ہماری ٹیم میں سینئراورجونیئرکھلاڑی شامل ہیں۔