نیوزی لینڈ نے اچانک پاکستان کا دورہ ختم کرنے پر پی سی بی کو معاوضہ ادا کر دیا

نیوزی لینڈ نے اچانک پاکستان کا دورہ ختم کرنے پر پی سی بی کو معاوضہ ادا کر دیا

نیوزی لینڈ کرکٹ بورڈ نے پاکستان کا دورہ ادھورا چھوڑنے پر پاکستان کرکٹ بورڈ کو ازالہ ادا کردیا۔

 

پی سی بی اور نیوزی کرکٹ بورڈ کے درمیان تعلقات بحال ہوگئے ہیں۔ نیوزی لینڈ کرکٹ بورڈ نے پی سی بی کو پچھلے برس ستمبر میں دورہ ادھورا چھوڑنے پر ملین ڈالرز کا ازالہ ادا کردیا ہے۔

 

پی سی بی کی جانب سے وضاحت کی گئی کہ نیوزی لینڈ کرکٹ بورڈ نے ہوٹل بکنگ، سکیورٹی، مارکیٹنگ اور براڈکاسٹنگ کی مد میں لاکھوں ڈالرز کا ازالہ ادا کیا۔

 

نیوزی لینڈ اور پاکستان کے درمیان گزشتہ سال نہ ہونے والے 2 ٹیسٹ اور3 ون ڈے میچز بھی کھیلے جائینگے۔

 

پی سی بی نے نیوزی لینڈ کرکٹ بورڈ کی ٹرائنگولر سیریز کی دعوت بھی قبول کرلی ہے اور ٹرائنگولر سیریز نیوزی لینڈ میں رواں برس اکتوبر میں کھیلے جانے کا امکان ہے۔

 

ترجمان پی سی بی نےبتایا کہ نیوزی لینڈ ٹیم آئندہ برس مئی میں اضافی 10 وائٹ بال میچز بھی پاکستان آ کر کھیلے گی۔وائٹ بال سیریز میں ون ڈے اور ٹی 20 میچز شامل ہونگے۔

 

واضح رہے کہ نیوزی لینڈ کرکٹ ٹیم گزشتہ سال ستمبر میں اچانک دورہ ملتوی کرکے نیوزی لینڈ روانہ ہوگئی تھی۔چئیرمین پاکستان کرکٹ بورڈ رمیزراجہ نے سیریز ملتوی ہونے پر سخت الفاظ میں زرتلافی کا مطالبہ کیا تھا۔