پی ٹی آئی کا شیر سے پنجاب چھیننے کا خواب چکنا چور ہوگا، مریم نواز
نائب صدر ن لیگ مریم نواز نے کہا ہے کہ پی ٹی آئی کچھ بھی کرلے، شیر سے پنجاب چھیننے کا خواب چکنا چور ہو گا.
نائب صدر ن لیگ مریم نواز نے اپنی ٹوئٹ میں کہا کہ پنجابیوں کو اپنے صوبے کو فرح گوگی کی لوٹ مار کے حوالے کر دینے پر شدید غصہ ہے۔
ان کا کہناتھا کہ حساب وہ انتخابات میں چکتا کر دیں گے، الیکشن کمیشن کو گالیاں دینے والے عمران خان کو آج تھوڑی شرم تو آئی ہوگی۔
PTI کچھ بھی کرلے،شیر سے پنجاب چھیننے کا خواب چکنا چور ہو گا انشاءاللّہ۔پنجابیوں کو اپنے صوبے کو فرح گوگی کی لوٹ مار اور تباہی کے حوالے کر دینے پر شدید غصہ ہے جس کا حساب وہ انتخابات میں چکتا کر دیں گے۔ECP کو دن رات گالیاں دینے والے عمران خان کو آج تھوڑی شرم تو آئی ہو گی مگر کہاں!
— Maryam Nawaz Sharif (@MaryamNSharif) May 20, 2022
واضح رہے کہ الیکشن کمیشن آف پاکستان نے پاکستان تحریک انصاف (پی ٹی آئی) کے 25 منحرف ارکان کو ڈی سیٹ کردیا۔
چیف الیکشن کمشنرسکندرسلطان راجہ کی سربراہی میں 3 رکنی کمیشن نے پنجاب اسمبلی کے 25 منحرف ارکان کی نااہلی سے متعلق درخواست پر محفوظ شدہ فیصلہ سنایا۔
تاہم فیصلے میں کہا کہ منحرف ارکان پنجاب اسمبلی سے متعلق فیصلہ اتفاق رائے سے کیا گیا ہے۔
