شمالی وزیرستان میں خودکش دھماکہ، دو اہلکاروں سمیت چار افراد زخمی
ميران شاه ۔۔صوبہ خیبر پختونخوا کے ضلع شمالی وزیرستان کی تحصیل دوسلی میں سیکورٹی فورسزکی گاڑی پر خودکش حملہ ہوا ہے جس میں دو سیکیورٹی فورسز کےاہلکار زخمی ہوگئے ہیں۔
سیکیورٹی ذرائع کے مطابق خودکش دھماکے میں زخمی ہونے والے اہلکاروں میں نائک بنارس اور سپاہی منصف شامل ہے۔
خودکش دھماکے میں اسکول کے دو بچے بھی زخمی ہوئے ہیں جن کی شناخت 10 سالہ یونس فرزند عمران آور 11 سالہ مہراب فرزند ناجدارکے نام سے ہوئی ہے۔
زخمی اہلکاروں کو ضلعی ہیڈکوارٹر ہسپتال میرانشاہ منقتل کردیا گیا ہے۔ دھماکے کے بعد سیکیورٹی فورسز نے علاقے میں سرچ آپریشن شروع کردیا ہے۔
