عمراکمل کو قائداعظم ٹرافی میں کھیلنےکا گرین سگنل مل گیا

عمراکمل کو قائداعظم ٹرافی میں کھیلنےکا گرین سگنل مل گیا

پاکستان کرکٹ بورڈ (پی سی بی) نے قومی کرکٹ ٹیم کے مڈل آرڈر بلےباز عمراکمل کو قائداعظم ٹرافی میں کھیلنے کا گرین سگنل دیدیا۔

 

فکسنگ کی پیشکش کو رپورٹ نہ کرنے کے جرم میں عمر اکمل تقریباً دو سال سے ڈومیسٹک کرکٹ سے دور تھے، بورڈ نے جرمانہ ادا کرنے پر عمر اکمل کو ڈومیسٹک کھیلنے کی اجازت دی۔ جس کے بعد قائداعظم ٹرافی میں مڈل آرڈر بلےباز بلوچستان ٹیم کی کرینگے۔

 

یاد رہے کہ عمر اکمل کو اپریل 2020 میں ڈسپلنری پینل نے پی سی بی اینٹی کرپشن کوڈ کے آرٹیکل 2.4.4 کی خلاف ورزیوں پر مجرم قرار دیا تھا جبکہ ان پر تین سال کرکٹ کھیلنے پر پابندی عائد کردی تھی۔

 

پاکستانی کرکٹر عمر اکمل پر فکسنگ کیس میں کھیلوں کی عالمی ثالثی عدالت نے سزا کے ساتھ 42 لاکھ 50 ہزار روپے جرمانہ عائد کیا تھا، جس پر مڈل آرڈر بیٹسمین نے پاکستان کرکٹ بورڈ سے جرمانہ قسطوں میں ادا کرنے کی اجازت دینے کی درخواست کی تھی تاہم عدالت نے مسترد کردیا تھا۔

 

واضح رہے کہ عمر اکمل پاکستان کی جانب سے 16 ٹیسٹ ، 121 ون ڈے اور 84 ٹی 20 میچز کھیل چکے ہیں جس میں انہوں باالترتیب ایک ہزار 03 ، 3ہزار 194 اور 1ہزار 650 رنز بنائے ہیں۔