اسلام آباد: ایشیائی ترقیاتی بینک پاکستان کو کوویڈ سے نمٹنے کے لئے 25 کروڑ ڈالر دے گا۔

میڈیا رپورٹس کے مطابق ایشیائی ترقیاتی بینک نے پاکستان کے لئے 25 کروڑ ڈالر کی منظوری دے دی ہے، رقم کوویڈ 19 وائرس سے نمٹنے کیلئے استعمال ہوگی۔

یہ بھی پڑھیں: کورونا وباء، امریکہ پاکستان کو 21ملین ڈالرز کی امداد فراہم کرے گا

دوسری جانب ایشیائی ترقیاتی بینک سے پنجاب کے 2 اضلاع میں ترقیاتی منصوبوں کے معاہدے پر بھی دستخط ہوگئے ہیں، معاہدے پر وزیر اعظم نے دستخط کئے ہیں۔

یہ بھی پڑھیں:کورونا وباء سے پاکستان کی معیشت کو 3 سے 4کھرب روپے کا نقصان ہوا

اس حوالے سے وزیر اعظم عمران خان کے معاون خصوصی نوجوانان عثمان ڈار نے کہا ہے کہ معاہدے کے تحت ساہیوال اور سیالکوٹ میں 40 ارب روپے کے ترقیاتی کام ہوں گے، سیالکوٹ میں 15 ارب روپے کی لاگت سے نكاسی آب، سینی ٹیشن اور سالڈ ویسٹ مینجمنٹ سے متعلق منصوبے مکمل ہوں گے، اس کے علاوہ پارکس کا قیام اور شہر کی خوبصورتی کے متعدد منصوبے بھی معاہدے کا حصہ ہیں۔

اس خبر کو بھی پڑھیں: /کورونا وائرس ،بیرونی امداد351 ملین ڈالر امداد کی تفصیلات جاری نہ ہو سکیں

واضح رہے کہ ایشیائی ترقیاتی بینک نے گزشتہ سال پاکستان کے لیے بجٹ میں معاونت کے طور پر 80 کروڑ ڈالر بطور قرض فراہم کرنے کی منظوری دی تھی دی جس کی دوسری قسط 30 کروڑ ڈالر کی جلد ہی فراہم کردی جائے گی۔

اعداد و شمار کے مطابق اے ڈی بی کی جانب سے پاکستان کو اب تک رواں مالی سال کے دوران تقریباً ایک ارب ڈالر قرض فراہم کیا جاچکا ہے۔