کورونا سے اموات میں تیزی، مزید 75 افراد جاں بحق، تعداد8166 ہوگئی

24گھنٹوں کے دوران 2ہزار829 نئے کیسز رپورٹ، کل تعداد4لاکھ 3313 ہوگئی،3لاکھ 45 ہزار365 مریض صحت یاب ہوچکے

اسلام آباد ( آن لائن)پاکستان میں ساڑھے چار ماہ کے دوران ایک روز میں کورونا سے سب سے زائد75اموات رپورٹ ہوئی ہیں اور مرنے والوں کی مجموعی تعداد8ہزار166 ہوگئی ہے۔نیشنل کمانڈاینڈ کنٹرول سینٹر کی جانب سے جاری اعدادوشمار کے مطابق24 گھنٹوں میں 2ہزار829 نئے کیسز سامنے آئے اور متاثرہ افراد کی کل تعداد4لاکھ 3ہزار313 ہوگئی ہے۔

پاکستان میں کورونا کے3لاکھ 45 ہزار365 مریض صحت یاب ہوچکے ہیں اور49ہزار780 سے زائد زیر علاج ہیں۔کورونا کے سبب سب سے زیادہ اموات پنجاب میں ہوئی ہیں جہاں 3 ہزار66 افراد جان کی بازی ہار چکے ہیں۔ سندھ میں 2 ہزار962، خیبر پختونخوا ایک ہزار 375، اسلام آباد 324، گلگت بلتستان 97، بلوچستان 169 اور آزاد کشمیر میں 173 افراد جان کی بازی ہار چکے ہیں۔اسلام آباد میں کورونا کیسزکی تعداد30 ہزار748، خیبرپختونخوا47 ہزار701، سندھ میں ایک لاکھ 75 ہزار 642، پنجاب ایک لاکھ 20 ہزار356، بلوچستان 17 ہزار215، آزاد کشمیر 6 ہزار982 اور گلگت بلتستان میں 4 ہزار 667 افراد کورونا سے متاثر ہوچکے ہیں۔

پاکستان میں کورونا سے اموات کی شرح2.02 فیصد ہوگئی ہے۔ کورونا سے جاں بحق 76 فیصد افراد کی عمریں 50 سال سے زائد ہیں۔کورونا سے جاں بحق 72 فیصد کورونا مریض دیگر بیماریوں میں بھی مبتلا تھے۔ کورونا سے جاں بحق افراد میں سے 91 فیصد کا انتقال اسپتالوں میں ہوا۔ اسپتالوں میں کورونا کے زیر علاج 58 فیصد مریضوں وینٹی لیٹرز پر ہیں۔

میرپور میں سب سے زیادہ 27.75 فیصد مثبت کیسز سامنے آئے۔ مظفر آباد23.44، حیدر آباد 18.21،آزادکشمیر 21.3، پنجاب4.84، سندھ14.04، بلوچستان11.95، اسلام آباد6.62، خیبرپختونخوا5.57، گلگت بلتستان3.43،لاہور6.19، راولپنڈی4.83، فیصل آباد3.14، کراچی 17.95، پشاور18.09،سوات 5.81، ایبٹ آباد6.22، کوئٹہ میں مثبت کیسز کی شرح 9.09 فیصد ہے۔پاکستان میں70 فیصد نئے کیسز5 بڑے شہروں کراچی، لاہور، اسلام آباد، پشاور اور راولپنڈی سے رپورٹ ہوئے ہیں۔

یہ بھی پڑھیں

پی ڈی ایم بغیر کسی منزل کے رواں ہے ،وزیرخارجہ شاہ محمود قریشی

مفادات کی بنیاد پر بننے والا اتحاد کبھی کامیابی سے ہمکنار نہیں ہو سکتا، عوام …