بلاول کی اتنی عمر نہیں جتنا ہمارا سیاست میں تجربہ ہے، احسن اقبال

اسلام آباد(این این آئی) پاکستان مسلم لیگ (ن) کے رہنما احسن اقبال نے کہا ہے کہ بلاول بھٹو زرداری کی اتنی عمر نہیں جتنا ہمارا سیاست میں تجربہ ہو چکا ہے، بلاول بھٹو زرداری کو ایسے بیانات نہیں دینے چاہئیں جن سے ان کی جماعت کو نقصان ہو۔

وزیر اعظم عمران خان کی جانب سے عدلیہ سے تعاون کی اپیل پر تبصرہ کرتے ہوئے مسلم لیگ ن کے سیکرٹری جنرل نے کہا کہ عمران نیازی عدلیہ سے کس قسم کا تعاون چاہ رہے ہیں؟ہمارے خلاف کیسز کی براہ راست کوریج کی جائے، قوم کو پتہ چلے عمران نیازی کے پاس الف لیلیٰ کی کہانیوں کے سوا کچھ نہیں

پیر کو یہاں میڈیا سے بات کرتے ہوئے احسن اقبال نے کہا کہ گزشتہ روز عمران خان نے قوم کے سامنے رونا رویا ، عدالتی نظام پر حملہ کیا، عمران نیازی فرماتے ہیں وہ اپنا ایجنڈا عدلیہ کے عدم تعاون کے باعث پورا نہیں کرپا رہے، عمران نیازی عدلیہ سے کس قسم کا تعاون چاہ رہے ہیں؟ کیا وہ چاہتے ہیں عدلیہ ان کے الف لیلیٰ احتساب کہانیوں پر سب کو جیل میں ڈال دے؟۔ پھر مطالبہ کرتا ہوں ہمارے خلاف کیسز کی براہ راست کوریج کی جائے، قوم کو پتہ چلے عمران نیازی کے پاس الف لیلیٰ کی کہانیوں کے سوا کچھ نہیں۔

رہنما (ن) لیگ نے کہا کہ آج ریاست پاکستان کو شدید خطرات سے دو چار کر دیا گیا ہے، بین الاقوامی رپورٹس آج اس بات کی نشاندہی کر رہی ہیں،ہم نے پہلے کہا تھا یہ پالیسی پاکستانی معیشت کو تباہ کر دے گی، ہمارے پانچ سال کے قرضے پیداواری نوعیت کے تھے، موٹر ویز اور سی پیک کے منصوبے بنے ملکی ترقی ہوئی،موٹر ویز اور سی پیک کے منصوبے بنے ملکی ترقی ہوئی، ہمارے پانچ سال سے زیادہ عمران نیازی نے سوا دو سال میں قرض لیا۔ عمران نیازی نے غیر پیداواری قرضہ خسارا پورا کرنے کیلئے لیا، اس قرض کے ذریعے ہمیں بلیک میل کیا جا سکتا ہے، ہماری خودمختاری داؤ پر لگ چکی ہے، اب ہماری قسمت کے فیصلے آئی ایم ایف کے بابو کریں گے۔

احسن اقبال نے کہا کہ ملک کو 5 اعشاریہ 8 فیصد ترقی سے منفی میں لے جایا گیا، وزیر منصوبہ بندی اسد عمر کہتے ہیں سی پیک کامیابی سے چل رہا ہے، کون سا ایک منصوبہ ہے جو ہمارے بعد آپ نے شروع کیا، ہم نے نیشنل ہائی وے اتھارٹی کو 400 ارب کا بجٹ دیا، آپ نے وہ بجٹ کم کر کے ایک سو ارب کر دیا۔ آٹھ ماہ میں انہوں نے اس سو ارب سے بھی پچاس ارب ہی دیئے ہیں۔

بلاول بھٹو زرداری کے بیان پر ردعمل دیتے ہوئے احسن اقبال نے کہا کہ بلاول بھٹو زرداری کو ایسے بیانات نہیں دینے چاہئیں جن سے ان کی جماعت کو نقصان ہو،بلاول بھٹو زرداری کی اتنی عمر نہیں جتنا ہمارا سیاست میں تجربہ ہو چکا ہے۔

یہ بھی پڑھیں

عوام مزید تبدیلی کے جھانسے میں آنے والے نہیں، غلام بلور

پشاور(وقائع نگار)عوامی نیشنل پارٹی کے بزرگ رہنما اور سابق وفاقی وزیر حاجی غلام احمد بلور …