مانسہرہ، گیس لیکج کے باعث ایک ہی خاندان کے 3 افراد جاں بحق

مانسہرہ: صوبہ خیبر پختونخوا کے ضلع مانسہرہ میں گیس لیکج کے باعث دم گھنٹے سے میاں بیوی بچے سمیت جاں بحق ہوگئے ہیں۔

تفصیلات کے مطابق مانسہرہ کے علاقے پوٹھہ افسوسناک واقعہ رونما ہوا، جہاں ایک گھر میں گیس لیکج کے باعث دم گھٹنے سے تین افراد جاں بحق ہوگئے، جاں بحق ہونے والوں میں میاں، بیوی اور ایک بچہ بھی شامل ہیں۔

واقعہ کی اطلاع ملتے ہی ریسکیو ٹیموں نے لاشوں کو کنگ عبداللہ اسپتال منتقل کیا جہاں پوسٹمارٹم کے بعد نعشوں کو لواحقین کے حوالہ کردیا گیا۔

یہ بھی پڑھیں: مانسہرہ میں گیس لیکیج کے باعث دم گھٹنے سے 6 افراد جاں بحق

پولیس حکام نے بتایا کہ لگتاہے کے گھر کے افراد رات کو گیس ہیٹر چلا کر بند کرنا بھول گئے جس کی وجہ سے گیس بھرنے سے ان افراد کے دم گھٹ گئے۔

واضح رہے کہ چند روز قبل بھی مانسہرہ میں پانو روڈ پر واقع ایک گھر میں گیس لیکج کے باعث دم گھٹنے سے6 افراد جاں بحق ہوئے تھے، پولیس حکام نے بتایا کہ گھر کے افراد رات کو گیس ہیٹر چلا کر بند کرنا بھول گئے جس کی وجہ سے گیس بھرنے سے چھ افراد کی ہلاکت ہوئی۔

یہ بھی پڑھیں

’آئی ایس آئی کے سابق سربراہ اسد درانی کے’ را‘ سے رابطے کے شواہد موجود ہیں‘

اسلام آباد: وزارت دفاع نے اسلام آباد ہائیکورٹ میں پاکستان کے حساس ادارے آئی ایس …