کووڈ 19،فیس بک نے اظہارِ ہمدردی کیلئے کیئر ایموجی متعارف کرا دی

نیویارک (این این آئی)سماجی رابطوں کے مقبول ترین پلیٹ فارم فیس بک کی جانب سے عالمی وبا کورونا وائرس کے دوران اظہارِ ہمدردی کے لیے نئی کئیر ایموجی متعارف کرائی گئی ہے۔

فیس بک کی جانب سے متعارف کرائی جانے والی یہ نئی کیئر ایموجی کورونا وائرس کے دوران شیئر کیے جانے والے اسٹیٹس، تصویر اور ویڈیو پر یکجہتی اور ہمدردی کا اظہار کرنے کیلئے متعارف کرائی گئی ہے۔

اس نئی کیئر ایموجی میں ایک مسکراتا چہرہ ہے جو ایک دل کو گلے لگایا ہوا ہے۔اس ضمن میں فیس بک کی جانب سے ایک پیغام جاری کیا گیا جس میں انہوں نے کہا کہ ‘الگ ہونے کے باوجود، ہم ایک ساتھ ہیں۔خیال رہے کہ فیس بک عالمی وبا کووڈ19 سے متعلق جعلی معلومات اور جھوٹی افواہوں کی روک تھام کے لیے بھی سرگرم ہے۔

یہ بھی پڑھیں

کورونا وائرس سے صحتیاب کچھ افراد مختلف مسائل کا شکار رہ سکتے ہیں، ماہرین

ٹورنٹو(این این آئی)نئے نوول کورونا وائرس سے ہونے والی بیماری کووڈ 19 سے صحتیاب ہونے …