وینا ملک کا سابق شوہر کو 50 کروڑ روپے کا لیگل نوٹس

لاہور: اداکارہ وینا ملک نے اپنے سابق شوہر اسد خٹک کو 50 کروڑ روپے کا لیگل نوٹس بھیجوا دیا۔

ادکارہ وینا ملک نے اپنے وکیل تنویر کھوکھر ایڈووکیٹ کے وساطت سے نوٹس ارسال کیا ہے جس میں مؤقف اپنایا گیا ہے کہ اسد خٹک جان بوجھ کر وینا ملک کو بدنام کررہا ہے۔

لیگل نوٹس کے متن کے مطابق بچوں کو قانون کے مطابق پاکستان لایا گیا، اسد خٹک دبئی کی مقامی عدالت کا حکم نامہ غلط بیان کر رہا ہے۔

متن کے مطابق اسد خٹک مقامی عدالت کا مکمل آرڈر شوشل میڈیا سے شیئر کریں، ان کے بے بنیاد الزامات سے وینا ملک کی شہرت متاثر ہوئی ہے۔

وینا ملک کی جانب سے بھجوائے گئے لیگل نوٹس میں مطالبہ کیا گیا ہے کہ اسد خٹک 90 دنوں میں میڈیا اور شوشل میڈیا پر آ کر معافی مانگے، ایسا نہ کرنے کی صورت میں اسد خٹک کے خلاف ہتک عزت کا دعویٰ دائر کیا جائے گا۔

وینا ملک کی جناب سے لیگل نوٹس کے ردعمل میں اسد خٹک نے اپنے ٹوئٹر اکاونٹ پر بیان یں کہا کہ وینا ملک کا ریکارڈ ہے جس کے ساتھ رہی اس پر پیسوں کا الزام لگایا۔ اتنی امیر ہو تو پاکستان کا قرضہ اتاردو۔ تم ننگی ہو مجھے ننگا ہونے پر مجبور مت کرو۔

یاد رہے کہ گزشتہ دنوں اسد خٹک نے بھی وینا ملک کو 50 کروڑ روپے ہرجانے کا نوٹس بھجوایا تھا۔

اسد خٹک نے اپنی ٹوئٹ میں لکھا کہ بہت سوچا لیکن اب صبر کا پیمانہ لبریز ہوچکا ہے، میری خاموشی کو بزدلی سمجھا گیا، مجھے اُمید ہے کہ ایک باپ کو انصاف ملے گا کیونکہ اللہ کے ہاں دیر ہے اندھیر نہیں۔

یہ بھی پڑھیں

ترکش اداکارہ اسرا بلیجک ’’پشاور‘‘ کی محبت میں گرفتار ہوگئیں

اسرا نے سوشل میڈیا پر پشاور کے اسلامیہ کالج کی تصویر شیئر کی اور اس …